Poesía 2011 - 2012

Nik oraingoan betiko

                                                            Nik oraingoan betiko.

 

Ardoa eta heriotza pindartuz doazte, eskutik harturik

Garun xixkinak xixtatzen, ibilaldi ilunean eskutik

Aire arin batez elkarrekin, isilik, burua ukaturik

Hankaz gora patar arrotzetan,amildegi bihurturik.

Itxoiten ari naiz, noiz helduko ordua, itsuarena

Goitatzen aspaldi, noiz etorriko unea, mutuarena

Ezagutza miresgarrien ibarretan, izotzetik izanera

Bihotza nabaldurik, azken ametsaren topatzera

Bakarrik,lagunez beterik, irri egitera eta izorratzera

Biharamonik gabeko bizi txinpartuna edatera

gibela suntsiturik, dantzan, kantuz, bertsoz hiltzera

lehenbailehen denen aurrean negarrez hurtzera

kantu berri baten bila, lau pareten artean egonik

haritzen artean,onddoekin batean,gorringoa eginik

goroldioa hezetsu izanez, hila kontserbaturik

hormagailu baten pareko hotz gogorren artetik

ezin atera, ezin sortu eta ezin jinik, hibernazioetik

isilik, jarririk, telebista ikusirik, isilik, bipa eskutik

eskura, inork ez dezan hartu, ixter gainetan utzirik,

nerea baita heriotza, nerea asperkeria eta isiltasuna

mintzatzea debekaturik baitago, isuna

traba egitea ez baita haizu, goenkale ,xo, alarguna

gorantz banoa, hilobi txurira, mihixien artera, astuna

interes gabeko polizi aluen telesaioak irenstera, loreduna

ehorztoki bakarra, erosoa, nekea airatzeko simaur adarduna

Odol neurkadak bihotzetik joka ari dira

Eta mila dirdira

Ordua durbilzen ari da, ustela baita mizpira

Eta laster lur azpiko mihixira, bizian negiena goraino estira

Eta burua estali lotsez, ahalkez, kopeta galdurik

Bizi izan dudana oroit beharrez beterik

Ezin ahantzirik

Biak bat eginik

Heriotz bizitik, bizilera etzanik

Eta isilik, ezin besterik.

Basondartz urrunetan ozenki hausten zareten zuei,

Uhain adiskideei

Zuekin ereman nauzue

Hostohil libreak urrunera daramazkizuen zuen

Haize lagunei

Zuekin eraman nauzue

Nora ez dakit? Harat, bakartasunetik urrun!

Itsas barnean uhainek itoko naute

zeru gainean haizeek itoko naute

urrunerat iritsi arte itoko naute

igerikan ,hegaldakan, hilik eremanen naute

Noiz arte? Noiz arte?

Zure bihotza aurkitu arte.