30 Eskolari

                                                                                                             Eskolari

Begiluzeen artean Noe, Darwin eta Mari, andereñoa
Arkikastolan* denak erne, irakaspenei irekiz ahoa
Zut ala busti, noiz hasiko munduaren salbazioa

Xarlesen begi keinuz, hauxe duk krezioa!

Mari, amantal grisa soinean, makil hits ziria eskutan
aholkuz baitzaie, bulkadarik sor ez dadin gela honetan
gorilak irri faltsuz, harria altxatuz, oihuka: Alde Abraham!
Gora King Kong, Darwin, bi eta huts eta Big Bang!

Moralez beterik ikas zuzendari Noe badator haserre
Latinez dio andereñoak larderirik ez duela batere
Larru monumentala hastera badoa, batere kontrolik gabe
Hauxe duk hauxe, ximinoz beterik mundua letorke.

Denak isilik portuan, binaka lehorrera jesten, buru apalik
emeak hantuta, bortxaleku izugarria negarrez utzirik
Jainkoa lainotan negar euriz, partida galdurik
Eta Noe txistuka, Darwinen irriak asetu nahirik

*Arkikastola: Noeren arka ikastola